|
Batixabi 29. jokaldia
Prentsa oharra Batixabi. 29. jokaldia. Sarituak. Kiniela jeisteko hemen klikatu Ikasturtea despeditzen duen batixabi jokaldiak utzi duenaren berri emateko zuzentzen gara zuengana oraingoan. Jokalariek hizki kopuru ezberdina zituzten irainak zegokien tokian kokatu behar zituzten. Hauek ziren irainak: Eskertxarreko > eskergaiztoko Muturraundi > lotsagabea Galtzaundi > larritzen ez dena Kopetaundi > lotsagabea Ttattarra > jenio txarrekoa, beti haserre agertzen dena Kakauntzi > beldurti Txoriburu > kaskarina Kalfardo > ile luzea duena Odolbeko > koldarra Zikinto > zikina Gizajua > gizarajoa Gizajua ezee esan bee fan dek/n Zorrizu > tentela, sinplea, ganora gabeko pertsona Ustela > alferra Horrekin ez duzue gehiegi eginen, jende ustela duk/n Metete > saltsero, besteen gauzetan edo, gutxienez, norberari zuzenean ez dagozkionetan sartzeko joera duenari esaten zaio Kuzka > begiluze. Besteen kontuak jakin nahi dituenak. Kuzkatu edo kuzkan ibili 234 pertsona animatu dira parte hartzera. Hobekien aritu direnen artean sariak zozketatu ditu Kimak. Hala, Txikitxo dendak emandako 50 euroko txartela gazte altsasuar batek eskuratu du. Gaztezulo aldizkariko bi harpidetzak ere Altsasun gelditu izan dira. batixabi erronkari dagokionez, inork ez du berea egin. batixabiren ikasturteko azken jokaldiarekin batera balantzea egiteko garaia ere iritsi da. Ekimena martxan egon den bost ikasturteetan parte-hartzaile gehien izan duen bigarren kurtsoa izan da honakoa. Guztira 876 jokalari izan ditu batixabik 09/10 ikasturtean. Aurrekoan baino 124 gehiago. Bestela esanda, izan diren bost jokaldietan bataz besteko parte hartzea 175,2koa izan da. Hala ere, www.altsasukokima.com web orriaren bidez parte hartzen dutenen kopurua txikia izaten jarraitzen du. Kima Euskara Taldeak balorazio positiboa egiten du, baina parte-hartzaile eta altsasuko euskaltzaleen iritzia jaso nahi luke, beti ere, batixabi hobetu ahal izateko. Hori Kimaren web orriaren bitartez egiteko aukera du. Guztiak ere ongi etorriak eta aztertuak izanen dira. Gogoratu, hori bai, hizkuntza kolokiala aberasteko oinarriak eman nahi ditugula jokoaren bidez. Kima euskara taldetik parte-hartzaile guztiei eskerrak eman nahi dizkizuegu eta hurrengo jokaldia iritsi bitartean, bizi euskaraz. Altsasun, 2010ko maiatzaren 29an Kima euskara taldea www.altsasukokima.com Laguntzaileak: Altsasuko Udala eta Sakanako Mankomunitatea
 [Iruzkina sartu]
|
