|
Maiatzeko informazioa
AURTEN, MAIATZERAKO UDALEKUETAKO ESKU-ORRIAK ETA IZENA EMATEKO EPEAK Nafarroako udaletako Euskara Zerbitzuek udalekuak antolatzen dituzte, Nafarroako neska-mutilak udan ere euskaraz bizi daitezen. Ikastetxeetan banatzen diren esku-orrien bidez, Sakanako neska-mutilek kanpalekuan izena emateko abisua jasotzen dute. Bestalde, gurasoei eta arduradunei informazioa hedabideen eta Sakanako Mankomunitateko webgunearen bitartez iristen zaie. Ohikoa da esku-orri hori, izena emateko epeekin, Aste Santuaren aurretik banatzea, eta, garai horretarako, udaleku-zerbitzuaren erabiltzaileak esku-orriaren zain jartzen dira. Hori dela-eta, ohar honen bidez jakinarazi nahi dizuegu, aurten, maiatzaren hasieran jasoko duzuela esku-orria, udalekuei buruzko informazioarekin, berritasunekin eta izena emateko epeekin. Lakuntzan, 2010eko martxoaren 30ean Sakanako Mankomunitatea Euskara Zerbitzua
 [Iruzkina sartu]
|
