|
Testu bazka, maiatzeko saioa
Prentsa oharra Testu bazka. Maiatzeko saioa. Kima Euskara Taldeak ikasturteko Testu bazkaren zortzigarren eta azken saioa gonbidatu nahi zaitu. Maiatzaren 27an izanen da, ostegunarekin. Hitzordua 19:00etan jarri dugu, Gure Etxea eraikinean (2. solairuan, mahai beltza duen gelan). Aurrekoetan bezala, euskal idazle baten testu labur bat da saioaren ardatza. Oraingo honetan Toribio Alzagaren Txibiribiri liburuko pasarte bat aukeratu dugu. XX. mende hasierako komedia horren zatitxo bat irakurri eta gero, saioaren gidariak proposatutako galderen bidez, guztien artean, auzolanean, testuari mamia, zukua, sekretuak, egitura, hitz joskera, esanahi bikoitzak eta beste ateratzen saiatzen gara. Nork bere iritziak plazaratu eta gainontzekoekin trukatzeko bidea ematen du, beraz, Testu bazkak. Hau da, euskara praktikatzeko aukera. Bide batez, parte-hartzaileek euskal idazleen lanak ezagutzeko modua izaten dute. Gainera, saio guztiak independenteak dira, beraz ez du aparteko loturarik sortzen. Gainera, ez da etxerako lanik izanen. 16 urtetik gorako altsasuarrei, eta sakandarrei, irakurtzeko plazeraz gozatzera egindako gonbitea da Testu bazka. Topaketa bat da, zeinetan irakur zaletasuna, literatura maite dutenen eta idazketaren sekretuak ezagutzea maite dituztenak biltzen diren. Lagundutako irakurketa bat egiten da Testu bazkaren saio bakoitzean. Testu bazkan interesa baduzu eta parte hartu nahi baduzu, Kima Euskara Taldeak eskertuko lizuke antolaketa errazte aldera Altsasuko udal liburutegian edo altsasuneuskaraz@euskalerria.org e-postan izena emanen bazenu. Maiatzaren 26ra arteko epea dago. Literatura-bidaiak on egin. Altsasun, 2010ko maiatzaren 11an Kima Euskara Taldea www.altsasukokima.com Laguntzaileak: Altsasuko liburutegia, Altsasuko Udala eta Sakanako mankomunitatea .jpg)
 [Iruzkina sartu]
|
