|
Prentsa oharra
Prentsa oharra Euskarazko piropoen V. lehiaketaren deialdia Kima euskara taldeak bosgarren aldiz piropo lehiaketa antolatu du. Altsasuko eta inguruko herrietako euskaldunen hizkuntzaren alde sortzaile eta lodikoa sustatu asmoz sortu zen lehiaketa eta asmo horrekin segitzen du. Bestetik, euskarari erabilera “goxo” bat emateko “aitzakia” eman nahi diegu altsasuarrei. Lehiaketaren izenak berak dioen moduan euskaraz idatzitako piropoak aurkeztu behar dira. Nahi adina. Baina, beti ere, nork berak sortuak izan behar dira. Ez dute balioko beste lehiaketetara aurkeztutako piropoak edota itzulpenak. Piropoak lehiaketara aurkezteko www.altsasukokima.com web orria erabili dezakezu. Bestela, herrian barna utzi ditugun kutxatxoetan sartu papera, piropo idatziarekin, izen-abizenekin eta harremanetarako telefonoa jarriz. Piropoak maiatzaren 12tik 25era arte aurkez daitezke. Ondoren epaimahaiaren garaia iritsiko da. Bere lanean epaileek kontuan hartuko dute: originaltasuna, sormena, itzulpena edo moldaketa ez izatea eta iraingarria ez izatea. Irabazlearen berri maiatzaren 29an emanen du. Piropo onenaren egileak Fortxo Gozotegiko lote eder bat (tarta, trufak eta pastak) jasoko ditu. Bigarren piropo onenarendako, berriz, Donibane Gozokiak emandako kilo bat goxoki jasoko du. Bilduko piropo guztiak www.altsasukokima.com web orrian irakurgai jarriko ditugu. Inspirazio bila bazabiltza, han dituzu aurreko lau edizioetan aurkeztutako piropoak. Parte hartzera gonbidatuz despeditzen gara. Altsasun, 2010eko maiatzaren 12an Kima Euskara Taldea www.altsasukokima.com Laguntzaileak: Fortxo Gozotegia Donibane Gozokiak Altsasuko Udala Sakanako Mankomunitatea 
 [Iruzkina sartu]
|
